شروق محمد صبري تدعو لزيارة الموقع الذي استشهد فيه عبدالمنعم رياض والاحتفال بذكراه
 

  اسمي شروق محمد صبري محمد طالبة بالصف الأول الإعدادي .. أدعو جميع المصريين الذين يحبون بلدهم الغالي مصر للحضور يوم 9 مارس القادم إلى الاسماعيلية عند موقع استشهاد البطل عبد المنعم رياض بجوار المعدية الساعة الرابعة إلا الربع ( الوقت الذي استشهد فيه يوم 9 مارس سنة 1969 وسط جنوده وضباطه أثناء المعارك مع العدو). .. أنا وأختي الأصغر مني وبابا وماما هنكون هناك .. وأنا سوف أحكي لكم القصة .. مرة أختي الصغيرة قالت لبابا إحكي لنا حدوتة .. وبابا فكر شوية وقال : فيه مصريين عملوا حاجات أكبر وأجمل من أبطال الحواديت .. وحكى لينا حاجات كتير .. لكن أكتر حكاية عجبتني حكاية البطل ( عبد المنعم رياض ) وطلبنا من بابا إن نروح المكان اللي استشهد فيه لكن بابا قال : الأحسن نروح يوم 9 مارس ، وقال لواحد صديقه .. وصديقه قال نروح كمان سوا الأسرتين .. وكل حد عرف حضر معانا في نفس الموعد .. واتجمعنا وكان فيه ناس كتير حضرت من بلاد تانية .. وكل اللي عرف بالفكرة حضر .. وعملنا تشيرتات عليها صورة البطل والناس كلها كانت لبساها .. والسنادي ياريت العدد يكون أكتر علشان الناس تفضل فاكرة البطل عبد المنعم رياض وكل الشهداء اللي ضحوا بحياتهم علشان بلدنا وعلشانا إحنا .. وعلى فكرة اسرتنا هتروح كل سنة في نفس الميعاد .. ألقاكم هناك.
 
2010-03-06
ارسل لصديق طباعة
تعليقات القـــراء
1 -محمد الصادق
3/8/2010 6:09:46 AM

لو كنت مصريا مقيما فيها لكنت اول الحاضرين انه تاريخ يحاول اعدائنا طمسه انه تاريخ يحاول القتله اخفائه انه تاريخ يحاول الارهابييين باسم الدول والانسانيه ان يزوروه انه التاريخ الذي ضاع كما ضاعت البلاد والعباد انه تاريخ يشع النور ويشع الحريه وسيكون يوما" ما مشع كما كان .

2 -ذيب ثابت deeb.1953@hotmail.com
5/8/2010 5:50:46 AM

هذا الفارس البطل من فرسان الزمن الغربي الماضي والحاضر بطل حرب الاستنزاف ويكفيه انه من رجال سيد الضاد ورب الجهاد بطل العروبة وقاهر الاستعمار والعملاء من الزعماء العرب المرحوم الزعيم جمال عبد الناصر

3 -عايدة خضر fathigaber@yahoo.com
5/13/2010 10:47:59 AM

ارجو ان تقرأ الفاتحة على روح جميع الشهداء الذين ضحوا بارواحهم فى سبيل حرية مصر والمصريين شهداء حرب 1967ومنهم اخى الشهيد عادل السيد خضر الذى استشهد فى هذه الحرب واكان احد الفدائيين المصريين من قوات الصاعقة المصرية واحد الضباط الشباب والذى والذى استشهد على ارض سيناء وكان عمره لايتجاوز العشرون عاما وكان الاستشهاد بعد تخرجة بشهور قليله واستسمحكم ان تقرأ الفاتحة لام الشهيد والتى عانت كثيرا حتى وافتها المنية

 

اضافة تعليــــق

الاسم
الايميل
التعليق
 
ارسل